പിച്ചളപ്പാത്രത്തിലെ റോസാപ്പൂമൊട്ടുകൾ

ഹൈക്കുവിന് വേണ്ടിയൊരു നേരിയ പരിശ്രമം

1, ചരിത്രം 

 ചാരിത്രം നഷ്ടപ്പെട്ട

ചേതനയറ്റ ചിത്രം.

2,നടി

നാണം വെടിഞ്ഞ്
നാട്യം നടിച്ച്
നടക്കേണ്ടവള്‍

3,ഭൂമി

നിറകുടം
കാലം
കോലം
കാമം
ഇന്നിതാ കോലായി
നാളെ കാലി..

4,പോഷകാഹാരകുറവാണ്
അലസിപ്പോവുന്നുണ്ട്
ഒരുപാട് കവിതാബീജങ്ങള്‍..

5.ഇണ:
കൂട്ടിലേക്കൊരു കൂട്ട്

6.ജീവിതം:
വിഭജിച്ച റോഡിന്‍റെ
നടുവരയാണ് ജീവിതം..
വളഞ്ഞും പുളഞ്ഞും
ഇടയ്ക്കൊന്നു നേരെയായും
അതങ്ങനെ മുന്നോട്ടുനീങ്ങുന്നു.

7.ജീവിതം :
വായുനിറക്കപ്പെട്ട
ബലൂണാണ് ജീവിതം.
ചിലവ പെട്ടെന്ന് പൊട്ടുന്നു.
ചിലതോ അതിജീവനത്തിന്‍റെ കഥരചിക്കുന്നു.