സ്നേഹം

പ്രസവിച്ച കുഞ്ഞിനെ മാറോടടുപ്പിച്ച്
ചൂടു പകരുന്ന മാതൃസ്നേഹം.
വിശപ്പ് മറയ്ക്കുവാ൯ യാചന ചെയ്യുന്ന
വൃദ്ധ മനസ്സിലുമുണ്ട് സ്നേഹം.

ഊളിയിടുന്ന പൊ൯മാനിനുള്ളിലും
കുഞ്ഞിമീനോടൊരിത്തിരി സ്നേഹം.
മറഞ്ഞുകളിക്കുന്ന ചന്ദ്രനുമുണ്ട്
സൂര്യനെ ഒരുനോക്കു കാണാ൯ മോഹം.

ചുംബിച്ചു പോകുന്ന വണ്ടിനുള്ളിലും
പൂവിനോടുള്ളത് സ്നേഹം തന്നെ.
ഇഷ്ടമല്ലെന്ന് കള്ളം മൊഴിയുന്ന
പെണ്ണി൯ മനസ്സിലും കാണും സ്നേഹം.

ശത്രു മനസ്സിനെ കീഴടക്കുന്ന
ഉത്തമ മന്ത്രമാണീ സ്നേഹം.
ഏകനാം ദൈവത്തെ സ്നേഹിക്കുവി൯ നിങ്ങള്
സ്വജീവനേക്കാളും സ്നേഹിക്കുവി൯.